Arrestimi i Çukos, reagon ministrja e Drejtësisë: Kush shkel ligjin ka punë me drejtësinë

19:40 | 21 Tetor 2018
Trina Galanxhi

“E përshëndes dhe e mbështes prokurorinë në zbardhjen deri në fund të veprimeve të ish-drejtorit dhe shpreh edhe njëherë vullnetin e hekurt të qeverisë shqiptare për të luftuar korrupsionin pa bërë dallime të asnjë natyre”.

Kështu thuhet në një reagim të ministres së Drejtësisë, Etilda Gjonaj në lidhje me arrestimin ditën e sotme të ish-kreut të burgjeve, Arben Çuko.

Ministrja thotë në deklaratë se në muajin shtator i kishte propozuar kryeministrit shkarkimin e drejtorit të përgjithshëm të burgjeve, Arben Çuko. “Shkarkimi i tij imediat për keqmenaxhim të patolerueshëm dhe dyshime të forta për korrupsion, ka çuar në një hetim të thelluar administrativ”.

Më tej në deklaratë thuhet se “vija e sjelljes së kësaj qeverie ndaj korrupsionit është e qartë: Çdokush që shkel ligjin ka punë me drejtësinë. Pa dallim ngjyre, përkatësie politike apo ideje të gjithë janë të barabartë përpara ligjit dhe do të përgjigjen po njësoj përpara tij”./tch/

Shpërndaje në rrjete sociale

Lajmet më të lexuara

Të ngjashme

Foto lajm